滇家菜~有質量的雲南菜

某日的lunch，去到荃灣的滇家菜食左碗米線！清清地，岩哂我呢個病人，食完之後，仲送左coupon比我地下次食！

所以早前就去到沙田用coupon食了第2次！

叫了個牒頭飯！

加了個雞煲！

同埋婷婷的米線！yumiyumi！

加埋凍飲都係$168，用了20蚊coupon，抵食，食到我同婷婷飽一飽！

生日晚餐之郎田日本料理

過了成個月先有時間可以post番出來，哈哈，原先以為已經post了，原來都未post，哈哈

其實郎田呢間野款式唔係好多，味道又唔係好食....

送的芝士焗蝦真係難食到飛起！

成台都係野食！味道就.......

鵝肝牛柳壽司.....又一敗筆

我的壽司蛋糕！happy birthday to me！ ^_^

其實係三文魚壽司八大件！哈哈！

刺身就睇你好唔好彩，一round好，一round差！

蟹棒壽司~呢個叫做ok！

帶子唔錯，另外的唔新鮮！

熟食叫做穩陣d！

雞翼其實幾好味的！

羊架我亦食了幾舊！

壽司overall真係好唔掂，松屋好好多呢！

好多謝大家同小弟慶祝生日，雖然食物影響到大家心情，不過我真係好開心，可以有一班朋友仔同我慶祝生日，特別多謝婷婷的悉心安排！ ^oo^

大婆牛肉麵~超大碗！

上個月番學前的下午，去了九龍城覓食！試了呢間大婆牛肉麵！

好入味的豬手，好林好好味！

超大件的牛展同埋牛根！

食完碗麵之後真係飽到嘔~不過味道真係好正！

群記豬手！正呀！

早2星期，為了要去書局，所以去了聯和墟，甘岩食飯時間，我第一時間就唸起~群記！

真係無心抽插柳，買完書後，一出門口，原來對面就係群記！我就同婷婷衝過去對面啦！

價錢真係好平！不過選擇比較少，唔係豬手就係牛丸！

一坐低已經比左個辣椒醬比我地，人人都有！

我叫了大的豬手米粉，$23，勁爽口，又多肉，唔肥，少少咸咸地，加了辣椒醬後更加一流！

因為我"唔食得"牛肉，所以婷婷叫了牛丸河粉我就冇得試了！$23一碗仲要有成打(12粒)手打牛丸，真係非常超值！！！

雖然要自己找位，同埋冇冷氣，不過味道真係一流，有機會一定會再試！

2008-8-21沙田奧運馬術賽

3號風球的晚上，如期的去沙田馬場當值，由於上次影相的地方唔比我入，所以今次冇得影馬仔，只係影到一班的小妹妹的表現。

2008-8-14沙田奧運馬術賽

當值日係個人盛妝舞步賽，個人來講真係唔識欣賞！

各國國旗！

見到呢隻野真係幾嚇人！

排哂長龍都係為左同佢影相！

Movement 15即係咩﹖

canteen食的$30燒豬仔骨飯，雖然平，不過真係唔好味。

好唔好睇﹖睇下甘多貴價飛都吉左出來就知道啦！

準備場地影的！

看台好高呀！小心d呀！

外國團體好有氣氛呢！

飲料小食都唔係貴！

佈置都幾好！

影下聖火先！

啦啦隊！

我的制服，都唔錯呢！

凌晨2時33分，坐緊穿梭巴士回沙田途中！

EXP noodle pizza experience~不過不失

某日放後學，我地一行數人，去左又一城溜冰場側邊的EXP食飯！

帶子三文魚菠菜意大利粉，味道唔錯，不過賣相差少少

雜錦拼盤，咩都有D，抵食推介

海鮮濛粉卷~幾特別的小食，清新之選

鰻魚PIZZA~我的至愛鰻魚，雖然唔係好多件，不過真的十分惹味！

越南雜錦湯米線~不過不失

加埋火龍果及菠蘿特飲~完成一個完滿的晚上

廣州深圳歷險之旅！

上星期四，同了cathy去了廣州探親！我地係深圳坐火車上廣州，火車都好快，55分鐘左右就到了，198km！最快我見到超過200km呢！

探完親後，我地去食飯，之後我買左罐王老吉，中國名牌，正呀！

始終一過左羅湖橋，我就開始驚，個個人的眼睛都好似叮住你的手袋甘，再加上回程我地2條友膽粗粗坐巴士，全程比後邊的男人叮住，好驚呀！！加上我地唔熟路，去到廣州東火車站時，上左去平台，即刻有人跟住我地，好彩我地一直走、一直走，佢先冇跟來！

大陸呀大陸，點解你治安會甘差呢﹖

LEGO奧運地標！

早前經過新世紀廣場見到有個lego show，有哂LEGO奧運地標！不過要買滿$500才可以"入場"睇，結果我地只好由遠處睇！

藝術氣息

係銅鑼灣時代廣場突然間的藝術氣息，阿苗真係唔識欣賞了，哈哈！